កាន់តែសង្វែក!!! Mr.White ផ្ញើចម្រៀងចូលរួមរំលែកទុក្ខដល់ នាង គន្ធា ស្តាប់ហើយអួលដើម-ក (មានវីដេអូ)នៅព្រឹកថ្ងៃទី ២៥ ខែធ្នូ ឆ្នាំ ២០២១ ដំណឹងដ៏សោកស្តាយ នៃការបាត់បង់ធនធានសិល្បករមួយរូបទៀត នាង ប្រាក់សុគន្ធ បានធ្វើឱ្យមានការសោកស្តាយជាខ្លាំង ពីសំណាក់អ្នកគាំទ្រ និងក្រុមសិល្បករ សិល្បការិនី។
អតីតបេក្ខភាព Cambodian Idol រដូវកាលទី ២ នាង ប្រាក់សុគន្ធ ត្រូវបានប្រកាសដំណឹងមរណភាពតាមរយៈប្អូនស្រីបង្កើត នាង គន្ធា ដែលជាអ្នកចម្រៀងប្រចាំផលិតកម្ម សាន់ដេ ថារូបលោកបានលាចាកលោក ដោយជួបគ្រោះ-ថ្នាក់ កាលពីម៉ោង ៣ ទៀបភ្លឺ ពេលចេញពីច្រៀង នៅរាជធានីភ្នំពេញ។
ការបាត់បង់លោក នាង ប្រាក់សុគន្ធ ហាក់ធ្វើឱ្យកញ្ញា នាង គន្ធា ដែលត្រូវជាប្អូនស្រីឈឺចា-ប់ជាខ្លាំង ដោយនាងបានពោលថា៖ «ចុងឆ្នាំនេះ បងឱ្យកាដូប្អូនធំណាស់… បងប្រុស បងបានសុខហើយ បងលែងពិបាកទៀតហើយ»។
ក្នុងហេតុការណ៍នេះ MrWhite ដែលជាអ្នកចម្រៀងក្រោមផលិតកម្ម សាន់ដេ ដូចគ្នា បានបង្ហោះរំលឹកចម្រៀងមួយបទ ដែលខ្លួនបានច្រៀងឱ្យបងប្រុសខ្លួនកាលពី ៣ ឆ្នាំមុន ចំណងជើងថា «បងប្រុស» ជាការរំលែកទុក្ខផ្ញើឱ្យកញ្ញា នាង គន្ធា អមដោយសារថា៖ «បងចូលរួមរំលែកទុក្ខផងណា លឺហេីយមិនគួរអោយជឿទេ រឹងមាំណាអូន»។
បទចម្រៀងមួយបទនេះ ហាក់ចាក់ដោតអារម្មណ៍អ្នកស្តាប់ ជាពិសេសគឺតារាចម្រៀង នាង គន្ធា ដែលបានបាត់បង់បងប្រុសតែម្នាក់គត់ លាទៅគ្មានថ្ងៃវិលវិញ បានត្រឹមតែការសោកស្តាយ។
ទស្សនាវីដេអូទាំងអស់គ្នា៖