តាមពិតចឹងសោះ!!! បែកធ្លាយ ខេមរៈ សិរីមន្ដ និងអភិបាលស្រុកបន្ទាយស្រី ឃឹម ហ្វីណង់ ត្រូវជា…ប្រិយមិត្តមហាជនភាគច្រើនសុទ្ធសឹងតែបានដឹងពីកេរ្តិ៍ឈ្មោះល្បីល្បាញរបស់អភិបាលស្រុកវ័យក្មេងលោក ឃឹម ហ្វីណង់ តាមរយៈសមត្ថភាពដឹកនាំប្រកបដោយភាពច្នៃប្រឌិតខ្ពស់ ធ្វើឲ្យមូលដ្ឋានស្រុកបន្ទាយស្រីកាន់តែមានឈ្មោះបោះសំឡេងខ្លាំងឡើង និងកាន់តែទាក់ទាញទេសចរណ៍នៅប៉ុន្មានឆ្នាំចុងក្រោយនេះ។ដោយឡែកនៅថ្ងៃនេះ អ្នកប្រើប្រាស់បណ្ដាញសង្គមមានការចា-ប់អារម្មណ៍ជាខ្លាំង
បន្ទាប់ពីតារាចម្រៀងលោក ខេមរៈ សិរីមន្ដ បានបង្ហោះនូវរូបភាពពីរសន្លឹក ជាមួយនឹងអភិបាលស្រុកបន្ទាយស្រី ដែលកំពុងមានឈ្មោះរូបនេះ។ជាមួយរូបភាពអង្គុយកៀកកិតស្និទ្ធស្នាលគ្នាជាខ្លាំងនោះ កំពូលតារាចម្រៀងទ្រនំហង្សមាសលោក ខេមរៈ សិរីមន្ដ បានអះអាងឱ្យដឹងថា រវាងលោក និងអភិបាលស្រុកវ័យក្មេង ឃឹម ហ្វីណង់ គឺជាមិត្តសម្លាញ់នឹងគ្នាជិត២០ឆ្នាំមកហើយ តែដោយហេតុជាប់រវល់ភារកិច្ចរៀងៗខ្លួនទើបមិនដែលមានឱកាសបានជួបគ្នាឡើយ។ បើទោះជាយ៉ាងណាចិត្តនៅតែនឹករលឹកដល់គ្នាជានិច្ច។
លោក ខេមរៈ សិរីមន្ដ បាននិយាយ ៖ «ជាមិត្តនឹងគ្នាជិត២០ឆ្នាំតែមិនសូវបានជួបគ្នាទេ ព្រោះរវល់រៀងខ្លួនតែចិត្តវិញនឹករលឹកគ្នាខ្លាំងណាស់ លោកអភិបាលមិត្តរបស់ខ្ញុំម្នាក់នេះចំណេះដឹងក៏ខ្ពស់សីលធម៌ក៏ល្អទៀតពិបាករកបានណាស់» ។តាមរយៈសំណេរទម្លាយនូវអាថ៌កំបាំងនេះ បានធ្វើឱ្យមានមហាជនភ្ញាក់ផ្អើលជាខ្លាំង ព្រោះកន្លងអ្នកទាំងពីរមិនដែលបង្ហោះ ឬបង្ហាញពីមិត្តភាពចំពោះគ្នានោះឡើយ ។
គួរបញ្ជាក់ថា លោក ឃឹម ហ្វីណង់ មិត្តជិតស្និទ្ធតារាចម្រៀងលោក ខេមរៈ សិរីមន្ដ គឺជាអភិបាលស្រុកមួយរូបដែលកំពុងមានកេរ្ដិ៍ឈ្មោះល្បីល្បាញតាមរយៈកិច្ចការងារសង្គមនានា និងការបំពេញភារកិច្ចបម្រើប្រជាពលរដ្ឋនៅមូលដ្ឋានស្រុកបន្ទាយស្រី ខេត្តសៀមរាប។លោកជាអ្នកដឹកនាំវ័យក្មេងប្រកបដោយសមត្ថភាព គំនិតច្នៃប្រឌិត និងទទួលបានការសាទរពីប្រជាពលរដ្ឋទូទាំងប្រទេស ជាពិសេស-ពលរដ្ឋរស់នៅស្រុកបន្ទាយស្រី ខេត្តសៀមរាបតែម្ដង៕ ប្រភព ៖ តារាញូស៍
